Mayo pumirma na sa Dallas

DALLAS--Inihayag ng Dallas Mavericks ang ka­nilang paghugot kay O.J. Mayo tatlong araw ma­tapos iposte ng free agent shooting guard sa kanyang Twitter account na lilipat siya sa nasabing koponan.

Hindi pa ibinunyag ng Mavericks ang kontrata ng 6-foot-4, 210-pound na West Virginian.

Nagtala si Mayo ng average na 15.2 points sa 301 laro sa nakaraan ni­yang apat na seasons sa Memphis Grizzlies. Siya ang third overall pick noong 2008 draft ng Minnesota bago siya dinala sa Memphis sa isang seven-player trade.

Samantala, ipinakilala na si Jeremy Lin, pumirma ng isang $25 million deal sa Houston sa mga miyembro ng Rockets.

Hindi na tinapatan ng Knicks ang three-year, $25 million offer sheet ng Ro­ckets para kay Lin.