Ex-Warriors magtigum karong gabii
CEBU, Philippines - Magtigum karon ang mga bag-ong natudlong opisyales sa University of San Carlos (USC) Green and Gold Warriors sa alas-7:30 sa gabii diha sa Baseline Restaurant.
Gipaabot motambong sa maong tigum ang kahigalaan sa bag-ong natudlong Warriors head coach Julian A. Macoy nga naglakip ni Atty. Danny Deen, Ben Aquino, Bobby Barria, Erning Remedio ug uban pa.
Si Nilo Velasquez maoy gipili isip presidente, uban ni Ramon Fernandez, vice-president; Raul Reyes, secretary; Julian Macoy, treasurer. Bakante pa ang posisyon sa auditor kay wala pa mokompirmar si Vincent Colina.
Ang mga sakop sa Board of Trustees mao silang Ret. Supreme Court Administrator Christopher Lock, Baseline Restaurant owner Isidoro 'Doring' Canizares, Boy Mansueto ug Arsenio Solon. (BANAT SPORTS)
- Latest
- Trending
