Doce Pares mobayaw sa eskrima grandmasters

CEBU, Philippines - Wala damha nga mas masentro ang sangka tali sa duha ka haligi sa Cebu kickboxing sa     Yaw-Yan Cebu ArDigma Martial Arts Federation Inc. fight card nga uloha'g "Ground and Pound VI: Invincible" sa Hulyo 14 diha sa Cebu Coliseum.

Sa talagsaong sangka sa kasaysayan sa martial arts dinhi sa Sugbu, ang 42-anyos nga si Allan 'The Dancing Man' Epile sa Soma KBC mosukod sa abilidad   sa 60-anyos nga si Ben 'Durex Warrior' Torbiso sa Durex Dragon KBC sa usa ka special bout nga gipasiugdahan ni Yaw-Yan Cebu ArDigma Founder ug CEO Master Benigno 'Ekin' R. Caniga Jr.

Ang showdown sa duha ka mga beteranong martial artists niadto pa untang tuig 1994 didto sa Bohol, apan wala kini madayon tungod sa kusog nga uwan.

 Sa main event, si Mark 'The Terminator' Araneta sa Mandaue City makigsangka ni Lord Rey 'The Punisher' Yamit sa Butuan Extreme MMA alang sa GNP lightweight title, samtang si Renan 'Limbas' Noblefranca sa Yaw-Yan ArDigma Cebu Top Team makigharong ni Steve 'D Lightning' Sevilleno sa Team MUMMA alang sa YFCC bantamweight title.

Ang mga tiket nagkantidad og P150 sa upper box, P350 sa lower box, P500 sa ringside ug P1,000 sa VIP.  (BANAT SPORTS)