Park N' Go Bakeshop kampiyon sa Power 40 President's Cup

CEBU, Philippines -  Parehong mihaon og 26 puntos silang Eric Abatayo ug Adot Tabar alang sa Park ‘N Go Bakeshop nga mipukan sa Water Market, 105-97 ug aron usab pagsakmit sa korona sa Power Forty President's Cup niadtong Martes didto sa Inayawan Sports Complex.

Sa sayo pa, naangkon sa UTASSCO ang ikatulong puwesto human makaipsot batok sa undermanned Ang Tibay Mo sa iskor nga 111-108.

Gawas nilang Abatayo ug Tabar, mibahog sab og double figures silang Wewe Cabrera ug Mark Lisondra.

Ang Water Market gipangulohan ni Michael Arias, kinsa mihakot og 25 puntos, gisundan sa team owner nga si Vez Eleguin nga adunay 18 puntos.

Mihimo sab og double figures   silang Mario Libre, Tony Ungria ug Efren Mosqueda.

Sa laing bahin, si Michael Veloso milansang og 28 puntos aron pangulohan ang UTASSCO, samtang ang team owner nga si Atty. Flor Yosores ug Teddy Ebrado miamot og 21 puntos matag usa.

Ang six-man team nga Ang Tibay Mo gipangulohan ni Fernando Sumargo, kinsa miburak og 30 puntos, samtang sila si Edwin Dejacto ug Rey Mabalcon nagkumboya og 46 puntos.

PUNTOS MATAG USA

Unang duwa:

UTASSCO (111) - Veloso 28, F. Yosores 21, Ebrado 21, Mercado 12, Nacional 11, Echavez 6, Vernaiz 4, Yosores 4, Yu 2, Abasolo 2

Ang Tibay Mo (108) - Sumargo 30, Dejacto 24, Mabalcon 22, Gaviola 20, Abasolo 9, Gabuya 4

Ikaduhang duwa:

Park ‘N Go (105) - Abatayo 24, Tabar 24, Cabrera 12, Lisondra 11, Misa 10, Fuentes 8, Espinosa 6, R. Rama 4, G. Rama 2

Water Market (97) - Arias 25, Eleguin 18, Libre 15, Ungria 12, Mosqueda 10, Lim 8, Ozon 6, Navares 5   (BANAT SPORTS)