CEBU, Philippines - Mipabuto si Sergs Al Go Bui og 21 puntos alang sa Xlibris Publishers nga milubong sa JP Morgan Bankers, 81-61 sa Sun Cellular-presented 8th CSCC E-League basketball tournament niadtong Domingo didto sa City Sports Club-Cebu gym sa Cebu Business Park.
Si Elgiel Melgar miduslit og 12 puntos alang sa Xlibris nga wala na molingi pa ang JP Morgan human moposte og 26-14 sa unang kuwarter.
Ang gidemolis nga JP Morgan gipangulohan ni Jonathan Zaragoza pinaagi sa iyang 17 puntos, uban ang lima ka rebounds, duha ka assists ug duha sab ka steals. Sila si Joel Anthony Obungen ug Cesar Daamo nagkumboya og 25 puntos alang sa pilderong team.
Sa lain pang mga duwa, ang Accenture Sharks nakabawi sa ilang kapildihan dihang ilang gipahimungtan ang Teleperformance Lions, 79-62, samtang ang SSI Pure Science walay puangod nga milubong sa Eli Global Underdogs sa iskor nga 101-58.
Si Jasper Loreto mibugwal og 21 puntos ug si Ryan Edward Llanos miabuno og 16 puntos alang sa Accenture nga nagbitbit na karon og 5-1 nga baraha, bali sa nakuhang 1-5 sa Teleperformance.
Sa laing bahin, sila si Dennis Daniel Poquita ug Rhett Romeo Tomakin maoy mikiat alang sa SSI Pure Science nga mihipos sa ilang ikaupat nga daog sud sa unom ka duwa. Sila si Poquita ug Tomakin mikutlo og 16 puntos matag usa alang sa kadaugan.
Si Renejohn Lacsamana mitikdol og 15 puntos ug si Rex Alinson mitimbre og 13 puntos.
Ang pilderong Eli Global gipangulohan ni Ryan Zear Lauro pinaagi sa iyang game-high 34 puntos.
Puntos Matag Usa
Unang duwa:
Xlibris (81) - Go Bui 21, Melgar 12, Tan 9, Tangalin 9, Mosquera 9, Salcedo 8, Colmenares 6, Nocos 5, Quirante 2
JP Morgan (61) - Zaragoza 17, Obungen 13, Daamo 12, Cabanday 8, Chua 6, Quiaoit 3, Lehaney 2
Ikaduhang duwa:
SSI (101) - Poquita 16, Tomakin 16, Lacsamana 15, Alinson 13, Gabutin 10, Lepaopao 7, Peliño 6, Campaña 5, Ardiente 4, Auditor 4, Impoc 3, Español 2
Eli Global (58) - Lauro 34, Ricarde 13, Bartulin 7, Pobre 2, Fernandez 2
Ikatulong duwa:
Accenture (79) - Loreto 21, Llanos 16, Orat 11, Suerte 7, Padernos 5, Diaz 4, Buligan 4, Lachica 2, Masancay 2, Natavio 2, Permacio 2, Saballa 2, Abesia 1
Teleperformance (62) - Petallo 14, Real 13, Canoy 11, Isada 10, Abella 5, Coronado 4, Padigos 3, Beltran 2 . - BANAT NEWS