CEBU, Philippines - Midaog og duha ka special awards si Bernardo Aves sa Cycle in the City: A BTC Fun Ride and Bikefest didto sa Banilad Town Centre.
Gamit ang Schwinn bike, ang 73-anyos nga si Aves midaog sa oldest biker ug vintage bike awards.
Sa laing bahin, ang siyete-anyos nga si Nathan Alexander Sy, midaog sab isip labing bata nga biker.
Si Christian Allen Bidos sa Cebu Vintage Bicycle Club napiling fanciest attire biker sa 200 bike enthusiasts nga nisalmot sa kalihukan.
Ang Team SAAT maoy biggest contingent nga adunay 24 ka entrante.
Ang kalihukan nahimong gipaluyohan sa Bikecology ug sa Cebu City Sports Commission.
Nahimo sab kining posible pinaagi sa suporta sa Robinson's Supermarket, Nike Athletic Club, Gear Up Zone ug sa Optical Adult & Child. (BANAT SPORTS)