Mwiti, Andrin naghari
CEBU, Philippines - Ang Kenyan nga si Douglas Mwiti ug Cebuana teen runner nga si Jhean Andrin maoy nidominar sa premier division sa 15K open category sa Red Cross 143: Volunteer Run for Humanity sa miaging adlaw didto sa Lapu-Lapu City.
Si Mwiti mitapos sa lumba sud sa 53 minutos ug 23 segundos aron makuha ang men’s title, samtang si Andrin mioras og 1:11.38 aron masakmit ang korona sa women’s division.
Nagsunod ni Mwiti mao si Nestor Madula sa oras nga 1:04.28, samtang si Mary Jane Beboso maoy nagsunod ni Andrin sa oras nga 1:15:15, samtang si Preciosa Sanchez miangkon sa ikatulong dapit sa oras nga 1:20.43.
Sila si Joel Delposo ug Lovely Fe Andrin maoy nanghawod sa 5K division.
Ang kinamanghoran sa managsuong Andrin nga si Joel maoy nag-una sa 3K boys run, samtang si Kisha Mae Delechos mao sab ang nanghawod sa girls class. (BANAT SPORTS)
- Latest
- Trending
