MANILA, Philippines - Ang paglilinis ng mamamayan sa Manila Bay ay binigyang-diin sa pagsisimula ng pagpaparehistro ng mga tatakbo sa ikalawang Manila Bay Clean-up Run na gaganapin sa ika-15 ng Hulyo.
Ang mga interesadong tumakbo sa 3K, 5K, 10K, at 15K dibisyon ay maaring magpalista sa mga Chris Sports outlets sa Glorietta, Trinoma, SM Mall of Asia, Sm Megamall, SM Bicutan, SM Southmall, at SM North EDSA o sa lobby ng Manila Broadcasting Company sa CCP Complex, Pasay simula ika-28 ng Mayo hanggang ika-2 ng Hulyo
Magkakamit ng tropeo at cash prizes ang magwawagi sa bawat kategoriya, at magkakaroon din ng special award para sa pinakamalaking delegasyon na makakapagsali ng hindi kukulangin sa 25 paying entries.
Ang Manila Bay Clean-Up Run ay proyekto ng Manila Broadcasting Company Star City at Race mechanics, sa pakikipagtulungan ng Lungsod ng Maynila. Itataon din ito sa ika-73 anibersaryo ng DZRH, ang kauna-unahang istasyon ng radyo sa Pilipinas.
Para sa dagdag na kaalaman makipag-ugnay sa Race Mechanics sa 0921-5927956 o mag-email sa mbcrun2012@gmail.com