CEBU, Philippines - Mikulit og career-high 76 puntos si Cebu City Mayor Mike Rama aron pangulohan ang iyang Rama Boys sa usa ka high-scoring game batok sa BTBA, 133-117 atol sa exhibition game sa pagbukas sa Barangay T. Padilla Basketball Association (BTBA) 2012 2nd Conference basketball tournament didto sa T. Padilla covered court.
Lubong pa og 10 puntos ang Rama Boys sa first period dihang sayong nanginit ang BTBA kortesiya nilang Edwin Nadal ug Jujo Baldago. Apan dali kaayong gipapas sa Rama Boys ang labaw dihang mipatuman og solidong depensa sila si ex-PBA cager Danny Aying, Dasoy Aniñon ug Argiel Magan aron mao na ang molabaw sa halftime, 62-55.
Sa second period pa lang, si Rama nangigo na sa three-point territory diin miposa siya og 24 ka triples, nga usa sab ka barangay record.
Misamot panginit ang Rama Boys sa third period diin milusad kini og 35-12 run aron moposte og 92-82 nga bentaha paingon sa final period.
Upat sa teammates ni Rama ang mibahog og double figures.
Ang BTBA gipangulohan nilang Nadal ug Baldago nga nagkumboya og 41 puntos.
Puntos Matag Usa
RAMA BOYS (133) - Rama 76, Magan 14, Aniñon 14, Deluvio 12, Reyes 11, Aying 6
BTBA (117) - Nadal 21, Baldago 20, Bernal 18, Castro 17, Gonzales 15, Navarro 12, Tan 8, Acono 6 (BANAT NEWS)