Gadi, Alcala bigatin ang mga kalaban para sa kanilang title defense

MANILA, Philippines - Haharapin nina Toby Gadi at Markie Alcala, winalis ang kanilang mga dibisyon sa nakaraang MVP Sports Foundation-Philippine Badminton Ranking System (PBaRS) circuit, ang mga bigating karibal sa pagsisimula ng second season ng event bukas sa Metro Sports Center sa Lahug, Cebu.

Si Gadi ang nagdomina sa Open men’s singles ng four-leg tour sa Manila, Bacolod at Davao noong nakaraang taon.

Para sa korona at premyong P70,000, makakaagawan ni Gadi sina Paul Vivas, Peter Gabriel Magnaye, Joper Escueta, Patrick Natividad, Charlo Tengco, Kevin Dalisay, Sonny Boy Montilla, Paolo Sunga at Jason Obaob.

 Itataya naman ni Alcala ang kanyang titulo sa boys U-15 class sa event na suportado ng GOAL Pilipinas, Gatorade, Krav Maga Phils., Sincere Construction and Development Corp., Vineza Industrial Sales, Victor PCome Industrial Sales, TV5 at Badminton Extreme Magazine.

Makakasabayan ni Alcala sina Patrick Gecosala, Joaquin Deato, Jairon Uy, Emilio Mangubat Jr., Enrico Asuncion, Alexis Geverjuan at Ryan Bautista. 

Bigating aksyon din ang mapapanood sa ladies Open singles tampok sina 2011 leg winners Gelita Castilo at Ma. Bianca Ysabel Carlos.

Makakabangga nina Castilo at Carlos sina Bianca Legaspi, Isabel Tan, Jen Cayetano, Pauline Tan, Ellaine Malelang at Kristina Tan.