Lakers nakalusot sa Nuggets

LOS ANGELES --- Humakot si Pau Gasol ng 23 points, 17 rebounds, 6 assists at 4 blocked shots, habang nag-ambag ang nagbabalik na si Metta World Peace ng 15 points imula sa isang seven-game suspension para akayin ang Lakers sa 96-87 panalo kontra sa Denver Nuggets sa Game 7 at tapusin ang kanilang first-round series sa 4-3.

Umiskor si Steve Blake ng playoff career-high 19 points at may 17 naman si Kobe Bryant para sa Lakers, si­nayang ang itinayong16-point lead sa second half bago ma­ungusan ang Nuggets sa fourth quarter.

Magtutungo ang Lakers sa Oklahoma City sa Lunes pa­ra sagupain ang second-seeded na Thunder sa se­cond round.

Kumolekta si Andrew Bynum ng 16 points at career playoff-high 18 rebounds at 6 blocked shots para sa Los Angeles.

Sa Boston, tinalo ng Celtics ang Philadelphia 76ers, 92-91, sa Game 1 ng kanilang Eastern Conference se­mifinal series.

Nagposte si Rondo ng 17 assists, 13 points at 12 rebounds para sa kanyang pang walong career playoff triple-double.