UV green lancers batok lancers batch 1996

CEBU, Philippines - Magtakus sa abilidad ang University of the Visayas (UV) Green Lancers, kinsa nagduwa karon sa CESAFI Partner's Cup    ubos sa ilang corporate sponsor Prime Asia Pawnshop ug UV Lancers Batch 1996 nga maoy kampiyon sa Cebu Amateur Athletics Association (CAAA) sa usa ka "exhibition game" karong adlawa diha sa UV gym. 

Sugdan ang duwa sa alas-3 sa hapon ug libre kini sa tanan.

 Matud pa ni Marichu Cabanilla, ang sekretarya ni UV president ug first district representative Eduardo R. Gullas, nga ang maong "goodwill game" tali sa kasamtangan nga grupo sa Lancers batok sa karaang Lancers usa lang ka pasundayag alang sa ilang Summerian's Day.

Ang Batch 1996 Lancers pangulohan ni coach Felix 'Donbel' Belano uban nilang Gary Cortes, Roy Lura, Rene Toring, Gabriel Maloloy-on ug Deocar Zapanta.

Moduwa sab ang mga sakop sa coaching staff ni Belano nga sila si Shelwyn Wagwag ug Augustus Abelarde.  (BANAT SPORTS)