Karate tournament sa J Center Mall

CEBU, Philippines - Magsangka ang mga banggiitang karatista sa Sugbu sa labing unang National Invitational Open Karate Championships karong Sabado didto sa J Center Mall sa A.S. Fortuna, Mandaue City.Gatosan ka mga karatista ang magsinukdanay sa ilang abilidad sa usa ka adlaw nga torneyo nga sugdan sa alas-9 sa buntag hangtod sa alas-7 sa gabii.

Ang mga karatista magtigi sa kata ug kumite events.

Mga karate clubs nga moapil naglakip sa AKC Club sa Cebu City, AKC Club sa Lapu-Lapu City, Japan Karate Association (JKA) sa University of Cebu (UC), JKA Lapu-Lapu ug JKA Cebu.

Mopakita sab og aksiyon ang mga karatista gikan sa SKO Karate Club, SKC Karate Club, Bamasko Karate Club, Oska Karate Club, Shidokan Karate Club Cebu, King Cobra Karate Club, Black Kimono Karate Club, LKDC ug SKA Karate Club.  (BANAT SPORTS)