CEBU, Philippines - Gipahamtangan sa Park N' Go Bakeshop ang Ang Tibay Mo sa labing una nilang pilde pinaagi sa pag-iskor nga 108-95 sa Power Forty President's Cup basketball tournament didto sa Inayawan Sports Complex.
Sa laing duwa, midaog ang Water Market batok sa Jenjic Commando sa iskor nga 108-101.
Ang Park ‘N Go, kinsa aduna nay 2-1 nga baraha, gipangulohan ni Eric Abatayo, kinsa miposa og 27 puntos samtang si Jingjing Rama, midugang og 19 puntos.Silang Wilbur Cabrera ug Adot Tabag nagkumboya og 29 puntos.
Milansang og 28 puntos si CESAFI referee Edwin Dejacto aron pangulohan ang 3-1 nga Ang Tibay Mo. Si Fernando Sumargo miburak og 26 puntos.
Nagmangtas si Michael Arias diin miposte kini og 27 puntos alang sa Water Market, samtang si Vez Eleguin mibugha og 21 puntos aron tabangan ang ilang team pagkulit sa ilang ikatulong daog.
Si Joel Canete maoy nangu sa 2-3 nga Jenjic Commando human moposa og 29 puntos, gisundan ni Al Tantay nga adunay 21 puntos.
PUNTOS MATAG USA
Unang duwa:
Park ‘N Go (108) - Abatayo 27, J. Rama 19, Cabrera 15, Tabar 14, Lisondra 10, G. Rama 10, Ramil 5, R. Rama 2, Fuentes 2, Misa 2, Espinosa 2
Ang Tibay Mo (105) - Dejacto 28, Sumargo 26, Abasolo 13, Mabalcon 8, Dejarme 6, Gaviola 6, Nacario 6, Samson 2
Ikaduhang duwa:
Water Market (108) - Arias 27, Eleguin 21, Lim 17, Libre 13, Ungria 10, Ozon 8, Mosqueda 4, Balbanera 2, Navares 2
Jenjic Commando (101) - Canete 29, Tantay 21, Cabatas 15, Dumale 14,Dayota 9, Lim 8, Atillo 4, Navares 3 (BANAT SPORTS)