Region 7 champ sa men's basketball
CEBU, Philippines - Miburak og 28 puntos ang re-enforcement gikan sa University of San Carlos nga si Sam Hermosa lakip ang sagunsong otso puntos sa third period atol sa rally sa Region 7 nga mipukan sa Region 4-A sa iskor nga 97-96 aron masakmit ang titulo sa Private Schools Athletic Association (PRISAA) men's basketball event kagahapon didto sa Cebu Coliseum.
Sa sayo pa, gilubong sa silingang Region 6-Western Visayas ang Cordillera Autonomous Region (CAR) sa iskor nga 80-65 aron makuha ang ikatulong puwesto.
Ang Region 4 ni coach Mel Alas, miposte’g 49-42 pagsugod sa third period, apan si Hermosa mitabla sa iskor, 54-all, gisundan sa jumpshot ni Edward Pao nga nakapalabaw sa Region 7, 56-54 sa nahabiling 3:48 sa third period.
Kalit nanginit ang host Region 7 aron moabante og 12 puntos 66-54 sa nahabiling 39.5 segundos sa third quarter.
Nabalikan sa kalagsik ang Region 4-A ug nakatabla kini human sa three-pointer si Angelo Aspi ug mitabla sa iskor sa 84-all hinungdan sa overtime.
Sa overtime period nagsinukliay og mga puntos ang duha ka kampo hangtod nga nailog sa Region 7 nga gilangkuban sa mga magduduwa sa University of Cebu (UC) Webmasters ang kadaugan.
PUNTOS MATAG USA
Region 7 (97) - Hermosa 28, Heruela 15, Pao 14, Quintao 11, Olbedado 9, Tamsi 8, Armecin 7, Ada 4, Mistal 2
Region 4-A (96) - Arellano 18, Medrano 17, Rodonia 17, Aspi 15, Borgonia 9, Pagon 6, Noriega 5, Delmo 4, Alcantara 2, Sangalang 2 (BANAT SPORTS)
- Latest
- Trending
