CEBU, Philippines - Nadepensahan sa Central Visayas ang ilang titulo sa 2012 Private Schools Athletic Association (PRISAA) National Collegiate Games nga natapos kagahapon.
Ang Central Visayas mihakot og 117 ka golds, 44 ka silvers ug 41 ka bronzes alang sa ilang back-to-back championships.
Nagsunod ang Western Visayas sa ilang 59 ka golds, 52 silvers ug 54 bronzes ug ang Calabarzon milublob sa ikatulo sa ilang 49 golds, 41 silver ug 43 bronze medals
Si PRISAA regional president Fr. Vic Uy, SVD, nagkanayon nga dakung kalampusan kini alang sa Central Visayas sa kasaysayan sa PRISAA.
Bisan sa katapusang adlaw, gipakita sa Central Visayas ang ilang pagkadominante dihang nakampiyon kini sa women’s volleyball batok sa Region XI, 25-22, 14-25, 25-19 ug 25-13.
Ang tandem nilang Mike Abria ug Mark Anthony Fernandez sa University of the Visayas (UV) maoy naghari sa men’s division sa beach volleyball event. (BANAT SPORTS)