Talk N' Text, B-Meg mag-ilog sa Game-1

CEBU, Philippines - Sugdan na ang gera tali sa Talk N’ Text Tropang Texters ug B-Meg Derby Ace Llamados sa Game-1 sa ilang ‘best-of-seven’ finals series karong gabii didto sa Smart Araneta Coliseum.

Sugdan ang duwa tali sa B-Meg ug Talk N’ Text karong alas-6:45 sa gabii.

Giatangan nga ipagawas sa duha ka koponan ang tanan nilang abilidad aron makuha ang mahinungdanong daog sa Game-1 nga maoy makahatag sa momentum sa pagsugod sa serye.

Ang Texters mogamit sa ilang ‘championship experience’ aron makapabor sa Llamados.“They’re obviously the biggest team in the league, the most talented and deepest. It will take a huge effort on our part to beat them but will find a way,” matud pa ni Texters point-guard Jimmy Alapag.

Apan ang B-Meg mopakita sa ilang kagutom nga mudaog pagbalik og PBA title. “It’s been a long time since we last won a championship. We really want to be back on top,” segun pa usab ni James Yap sa Llamados.

Makapabor ang B-Meg kun bigman ang hisgutan tungod kay anaa kanila ang import nga si Denzel Bowles ug Marc Pingris, samtang suliran karon sa Texters mao ang pagka-injured sa ilang mga sentro nga si Ali Peek ug Harvey Carey. (LPM gikan sa Philstar)(BANAT NEWS)