Waves, Erasers nagsipanalo

MANILA, Philippines - Kumapit ang suwerte sa Boracay Rum nang ma­itakas ang 67-65 panalo la­ban sa Cagayan Rising Suns, habang sinorpresa ng Erase Plantcenta ang mas pinaborang Jr. Po­werade na nangyari sa PBA D-League Foundation Cup kahapon sa Trinity University of Asia.

Nakitang nawala ang 14 puntos na kalamangan, kumapit pa rin ang suwerte sa Waves nang sumablay ang lay-up ni Roger Malig-on sabay tumunog ang buz­zer para ilista ng tropa ni coach Lawrence Chongson ang ikalawang sunod na panalo matapos ang tatlong dikit na kabiguan.

Pinakamalaking bentahe ng Waves ay 48-34 na nangyari sa ikatlong yug­to pero nanlamig ang kanilang opensa dahilan upang makabangon ang Suns.

Isang 3-point play ni James Castro ang naglapit sa Suns sa 65-67, bago nakaagaw si Castro sa mahinang inbound pass ng Waves may 8 seconds sa orasan.

Pero kinapos ang lay-up ni Malig-on at lasapin ng rookie team ang ikalimang sunod na kabiguan.