Pacquiao-Marquez IV maaaring itakda ni arum sa nobyembre

MANILA, Philippines - Kung muling hindi ma­pa­plantsa ang banggaan ni­na Manny Pacquiao at Floyd Mayweather, Jr. sa Nob­­yembre ay maaaring isu­­long ng Top Rank Promotions ang ikaapat na pagha­ha­­rap ng Filipino boxing su­­­perstar at ni Juan Manuel Mar­quez.

“If Floyd Mayweather, Jr. is not available to fight Pacquiao this November, then we’ll do the Pacquiao-Marquez fight, ” sabi kahapon ni Bob Arum ng Top Rank sa pa­nayam ng Examiner.com.

Tatlong beses nang na­babasura ang negosasyon pa­ra sa Pacquiao-Maywea­ther mega-fight mula sa isyu sa prize money hanggang sa pagsailalim sa isang Olympic-style random drug tes­ting.

At nang hindi matuloy ang pakikipagkita kay Pacquiao, pinili ni Mayweather na hamunin si WBA light middleweight titlist Miguel Cot­to sa Mayo 5 sa MGM Grand sa Las Vegas, Neva­da.

Nagsagupa naman ang 33-anyos na si Pacquiao at ang 38-anyos na si Marqu­ez nang tatlong beses kung sa­an nanalo ang Sarangani Congressman sa kanilang huling pagtatagpo via ma­jo­ri­ty decision noong Nob­yembre 12, 2011.

Umaasa si Arum na pa­tuloy pa ring lalaban si Filipino world eight-division champion matapos magde­pensa ng kanyang WBO wel­terweight crown kontra kay Timothy Bradley, Jr. sa Hun­yo 9 sa MGM Grand.

May nagsasabing ka­kan­didato si Pacquiao bilang Gobernador ng Sarangani sa 2013.

Isang two-hour training sa kanyang MP Tower sa Maynila ang ginawa kahapon ni Pacquiao.

Idinepensa ni Pacquiao ang kanyang paglipat sa PDP-Laban ni Vice President Jejomar Binay mula sa Li­beral Party ni Pangulong Be­nigno ‘Noynoy’ Aquino III.

“Kung hindi ka tanggap dun sa kabila bakit mo ipag­si­sik­sikan ang sarili mo?,” sa­bi ni Pacquiao.

Sa kabila ng kanyang pag­­lipat ng political party, si­­nabi ni Pacquiao na susu­por­tahan pa din niya ang mga programa ni Pangulong Aquino.