Ang Tibay mikulit ikatulong daog sa Power 40

CEBU, Philippines - Nakasagunson og tulo ka daog ang Ang Tibay Mo human nila gipilde ang Allyn & Sons, 99-95 aron pabiling magsolo sa liderato sa Power Forty President's Cup basketball tournament didto sa Inayawan Sports Complex.

Sa laing duwa, midaog sab ang Water Market batok sa Park ‘N Go Bakeshop, 102-96.

Mibahog og 27 puntos si Fernando Sumargo aron pangulohan ang Ang Tibay Mo, samtang sila si Rey Mabalcon ug Eric Chiong nagkumboya og 28 puntos. Sila si Hermes Abasolo ug Edgar Nacario miamot og 10 puntos matag usa alang sa Ang Tibay Mo nga nagbitbit og 3-0 nga baraha.

Si Julyan Capala miposa og 29 puntos alang sa Allyn & Sons nga wala pay daog sud sa tulo ka duwa.

Sa laing bahin, si Michael Arias maoy nangu sa Water Market sa iyang 20 puntos, gisundan ni Mario Libre nga adunay 19 puntos.

Ang Park N' Go gipangulohan ni Eric Abatayo, kinsa mibugha og 29 puntos, samtang si Jingjing Rama miamot og 16 puntos.

PUNTOS MATAG USA

Unang duwa:

Ang Tibay Mo (99) - Sumargo 27, Mabalcon 17, Chiong 11, Abasolo 10, Nacario 10, Dejacto 8, Samson 6, Gabuya 4, Gaviola 2, Dejarme 2

Allyn & Sons (95) - Capala 29, Javierto 21, Cabaluna 20, Lawas 10, Cabase 5, Pestano 4, Mapait 2

Ikaduhang duwa:

Water Market (102) - Arias 20, Libre 19, Ozon 12, Eleguin 12, Ungria 12, Lim 12, Mosqueda 8, Balbanera 5, Navares 2

Park ‘N Go (96) - Abatayo 29, Rama 16, Misa 12, Cabrera 11, Tabar 10, Lisondra 10, Fuentes 5, Alop 2, R. Rama 2  (BANAT SPORTS)