Sy, Jumapao, kaubanan sugod na sa ilang kampanya saTBAM bowlfest

CEBU, Philippines - Ang multi-titled nga si Alexis Sy ug Jomar Jumapao uban sa laing lima ka masaarong Cebuano pinbusters ang mopakita og aksiyon sa Tenpin Bowling Association of Makati (TBAM) Open Championship sugod karong adlawa didto sa E-Lanes sa San Juan City.

Sila si Sy ug Jumapao, nga pulos gold medalists sa Asian School Championships didto sa Jakarta, Indonesia, mopakita sa ilang katakus sa open category.

Uban nila sa ilang kampanya didto sa kaulohan mao sila si Aui Padawan, Heber Alqueza, Kisha Tesio, Xyrra Cabusas ug Samantha Lagkaw sa Cebu Tenpin Bowling Association (CETBA), kinsa makigtigi sa youth division.

Si Edgar Marshall Alqueza, ang National Bowling Tour (NBT) director nagkanayon nga mao kini ang labing unang higayon nga mga batan-ong Cebuano bowlers kabahin sa tinuig nga torneyo ubos sa pagtugot sa Philippine Bowling Congress (PBC).

Gawas sa open ug youth classes, ang walo ka adlaw nga torneyo naglatid sab sa mixed open, ladies mixed, men's graded, men's associate, men's seniors, ladies seniors, mixed rookie, youth mixed, youth 18-under ug ang PBC Youth All-Star  (BANATNEWS)