Barakos misungag sa Alaska

CEBU, Philippines - Giunhan sa Barako Bull Energy ang Alaska Aces, 103-90, sa pagsakmit sa Game-1 sa ilang ‘best-of-three’ quarterfinals series sa PBA Commissioner’s Cup kagabii didto sa Smart Araneta Coliseum.

Bisan pa og wala makahatag og puntos ang ilang import nga si Reggie Okosa kinsa gibangko sa duwa, nakahimo gihapon og paagi ang Barako sa pagpukan sa Alaska. Miresponde alang sa Barakos ang mga lokal nga sila si Ronald Tubid kinsa miiskor og 24 puntos, samtang si Danny Seigle mirehistro sa iyang conference-high 21 puntos.

Gilubong pa sa Alaska ang Barakos sa first period, 27-17, apan kadto na ang katapusang higayun nga natilawan sa Aces ang labaw dihang kalit miinit ang opensa sa Barakos.

Milabaw og uno punto ang Barako paingun sa halftime, 48-47, human sa buzzer-beating half-court shot ni Don Allado ug gikan didto wala na buhii pa sa Barakos ang labaw.

Ang Game-2 mahitabo sa Miyerkules diin may kahigayunan ang Barakos nga moabante sa semifinals diin nagpaabot kanila ang Talk N’ Text Tropang Texters.  - BANAT NEWS