Judo ilakip sa sports program

CEBU, Philippines - Ilakip na sa Cebu City Sports Commission (CCSC) ang judo sa ilang summer sports program nga gikatakdang sugdan sa Abril 9 sa managlahing binyu.

Ang bantugang Cebuano judoka nga si Vicente Fernandez III, usa ka kanhi national junior player, maoy modumala sa training uban sa mga atleta gikan sa University of Cebu (UC).

Gawas sa judo, ang laing sporting events naglatid sa grassroots development project sa CCSC naglakip sa lawn tennis, taekwondo, arnis, archery, baseball, softball, dancesports, table tennis, sepak takraw, chess, boxing, beach volleyball, athletics, badminton, basketball ug volleyball. (BANAT NEWS)