Bucks pinigil ng Celtics
MILWAUKEE--Umiskor si Paul Pierce ng 25 points para ihatid ang Boston Celtics sa 100-91 panalo kontra sa Milwaukee na tumapos sa six-game winning streak ng Bucks.
Humakot naman si Kevin Garnett ng 16 points at 10 rebounds, habang nagdagdag ng 13 points si Mickael Pietrus para sa Celtics, itinala ang 4-3 win-loss record sa kanilang road trip.
Pinangunahan ni Brandon Jennings ang Bucks sa kanyang 19 points.
Malugod na tinanggap ng Bucks ang unang paglalaro ni Monta Ellis na kanilang nahugot kasama si Ekpe Udoh sa pamamagitan ng trade sa Golden State Warriors noong nakaraang linggo.
Bago ang laro ay hinamon ni Bucks’ coach Scott Skiles si Jennings na depensahan si Rajon Rondo, kumolekta ng 10 points at 14 assists para sa Celtics.
Kinuha ng Boston ang maliit na 74-71 lamang patungo sa fourth quarter kasunod ang pag-iwan sa Milwaukee sa 82-73 lead mula sa isang 8-0 atake.
Nakadikit ang Bucks sa 77-88 agwat bago naimintis ni Jennings ang isang jumper at nagsalpak naman si Keyon Dooling ng isang long jumper para muling ilayo ang Celtics sa 90-77 sa 5:54 ng final canto.
- Latest
- Trending
