Mayor Rama pinasidunggang dinapit sa Power Forty opening

CEBU, Philippines - Pito ka teams ang mosalmot sa   Power Forty Summer League basketball tournament nga buksan karong adlawa uban ni Cebu City Mayor Michael L. Rama, kinsa maoy pinasidunggang dinapit ug mamumulong didto sa Inayawan Sports Complex.

Si Mayor Rama mao sab ang mopanumpa sa bag-ong napiling   opisyales sa Power Forty nga gipangulohan sa ilang presidente nga si Romy Rama. Ang laing manumpa mao silang Bob Samson (vice president) Danny Lisondra (secretary), Dads Ramil (treasurer), Freddie Tantoy (auditor) ug commissioner Edwin Dejacto (PRO).

Ang mga sakop sa board of directors naglakip sa team owners nga sila si Vez Eleguin, Nelly Cabase, Chino Kalinga, Edgar Nacario, Jingjing Rama ug Atty. Flor Yosores.

Ang pito ka teams nga mosalmot mao ang Jenjic Commando, UTASSCO, Allyn & Sons, Park ‘N Go Bakeshop, Ang Tibay Mo, Alfa Electrical, Rama Boys ug Water Market.

Usa ka parada ang pagahimuon sa alas-7 sa buntag ug isunod dayon ang programa.

Si Inayawan Brgy. Capt. Rustico Ignacio maoy mohimo sa welcome address, samtang ang presidente sa Power Forty nga Romy Rama mohatag sab sa iyang mensahe sa dili pa ang inspirational talk ni Mayor Rama. 

Si Atty. Yosores maoy mangu sa Oath of Sportsmanship ug si Dejacto maoy pormal nga mobukas sa torneyo. (BANAT SPORTS)