Petecio susuntok sa semis

ULAANBAATAR. Mon­golia--Ipinagpatuloy ni Filipina slugger Nesthy Petecio ang maganda niyang kampanya sa 6th Asian Women’s Boxing Championships.

Tinalo ng Davaoeña bantamweight fighter si North Korean bet Un Jong Choe, 12-5, upang umabante sa semifinal round.

Gamit ang magandang footwork, kumonekta si Petecio ng kanyang mga suntok sa katawan at ulo ni Choe sa kanilang four-round bout upang makalaban sa semifinals si Kejia Luo ng China.

Minalas namang masi­bak si Josie Gabuco ng Puerto Princesa nang matalo kay Chinese Yukie Luo, 10-16, sa light flyweight category.

Ang isa pang miyembro ng PLDT-ABAP team na si flyweight Alice Kate Aparri ay nakatakdang sumagupa kay Vietnamese Tuyet Mai Nguyen Thi nitong Huwe­bes ng gabi habang si­nu­sulat ang balitang ito.

Nauna nang binigo ni Aparri si Chinese-Taipei entry Meng-Shieh Pin, habang tinalo naman ni Tuyet si Anusha Dilrukshi Kodithuw ng Sri Lanka sa first round ng eliminations.

Ang mananalo sa pagitan nina Aparri at Tuyet ang makakakuha sa isang semis berth.

Sina Meri Kom ng India at Ren Cancan ng China ay paborito sa 51 Kg class.