Hidalgo misaad og daog sa "Pinoy pride xiii"
CEBU, Philippines - Mipakita og dakung respeto si Mexican Raul 'El Bule' Hidalgo (16-5, 12KOs) ngadto sa iyang kontra nga si AJ 'Bazooka' Banal (16-5, 12KOs), apan mipasidaan hatagan kini niya'g lisud nga away sa ilang sangka nga maoy main event sa "Pinoy Pride XIII: Road to Glory" ugma didto sa Waterfront Cebu City Hotel and Casino.
Sila si Hidalgo ug Banal nag-abot sa labing unang higayon atol sa press conference kagahapon didto sa Aegean room sa Waterfront Hotel diin didto gipahungaw sa Mexican fighter ang iyang kompiyansa nga modaog batok sa rank No.1 bantamweight sa WBO.
Wala misaad si Hidalgo nga iyang tumbahon si Banal, apan paniguruon niya nga iyang madala sa ilang nasud ang WBO Asia-Pacific title.
"I don’t like to promise but I came here to win," matud pa ni Hidalgo. "I don’t want to talk ahead of time but I could knock him out or he (Banal) could also knock me out. Let’s just wait for the result."
Daku hinuon ang pagsalig ni Banal sa iyang kaugalingon nga modaog batok ni Hidalgo.
"Sakto ko sa training ug maningkamot nga modaog, pero dili sab ko mokompiyansa sa away," matud ni Banal.
Sa supporting bout, si OPBF flyweight champion nga si Rocky 'Road Warrior' Fuentes (32-6-2, 19KOs) moharong ni Mehikanong si Javier 'El Chievero' Franco (19-6, 10KOs).
Moaway sab sa undercard ang laing duha ka undefeated ALA fighters nga sila si Albert 'Prince' Pagara (10-0, 8KOs) ug Arthur 'El Matador' Villanueva (17-0, 12KOs). Si Pagara makigsangka ni Thai Phupha Por Nobnom (10-7, 9KOs), samtang si Villanueva makigbatok ni Rey Migreño (15-18, 13KOs) sa Benguet. (BANAT SPORTS)
- Latest
- Trending
