Phl Patriots giniba ang Warriors

MANILA, Philippines - Nakitaan muli ng ma­gandang laro si Aldrech Ra­mos, habang produktibo sa unang laro para sa AirAsia Philippine Patriots si Francis Adriano nang pagbidahan ang koponan sa 72-68 pa­nalo laban sa Indonesia War­riors sa 3rd AirAsia ASEAN Basketball League (ABL) noong Sabado sa The Mahaka Square sa Ja­karta, Indonesia.

Naisalpak ni Ramos ang mahalagang tres na nag­bigay ng 68-63 kalamangan sa Patriots sa hu­ling 36 segundo.

Bumangon ang Patriots buhat sa 66-68 pagkabigo sa San Miguel Beermen pa­ra sa 8-2 baraha nito.

Tumapos si Ramos na may 9 points, habang si Adriano ay may 8 points, 3 rebounds, 1 steal at 1 assist sa kanyang debut sa koponang pag-aari nina Mi­kee Romero ng Harbour Cen­tre at Tony Boy Cojuangco.

“Hindi gaanong maganda ang inilalaro ni Aldrech sa mga past games namin ka­ya masaya ako sa kanyang ipinakita,” sabi ni coach Glenn Capacio.

May 24 puntos si Antho­ny Johnson para sa Pat­riots laban sa 4-7 marka ng Warriors.