Rama Boys milubong sa Ting Guan

CEBU, Philippines - Yano kaayong gipukan sa Rama Boys ni team captain Jingjing Rama ang mas batan-ong karibal Ting Guan Trading pinaagi sa paglubong, 98-84 sa tune-up match alang sa umaabot nga   2012 Flashback Basketball Association (FBA) summer league didto sa Vicente Sotto Memorial gym sa barangay Punta Princesa ning dakbayan.

Sayo kaayong nanginit ang Rama Boys diin miposte sila’g 31-24 nga abante sa first period ubos sa liderato ni Rama, kinsa mipabuto og 22 puntos, lakip na ang pito ka triples. 

Mihulga ang Traders sa third period, apan human sila mabiya-i, 47-48, dali kaayong nakarekober ang Rama Boys pinaagi sa basket ni Kelvin Cinco nga maoy pabilo aron mainat ang labaw. 

Human miposte og 70-61 nga bentaha sa final period, ang Rama Boys wala na molingi pa sa Ting Guan hangtod nahuman ang duwa.

Sila Tata Cinco ug Pete Nefie nagkumboya og 44 puntos aron pangulohan ang Ting Guan.

PUNTOS MATAG USA

RAMA BOYS (98) - J. Rama 22, Cinco 21, Cabañero 19, Manigo 8, Talas 6, C. Rama 6, Ronquillo 4, Gabut 4, Suarez 4, Gaw 2, Go 2

TING GUAN (84) - Cinco 32, P. Nefiel 12, Dechosa 11, Sandaan 10, J. Nefiel 6, Bacabac 4, Salidaga 4, Cabatingan 2, Ninz 2, Latonio 1  (BANAT SPORTS)