CEBU, Philippines - Nakalingkawas gikan sa makutas nga duwa ang University of Cebu (UC) Webmasters pinaagi sa pagpilde sa former NCAA champion Philippine Christian University (PCU) Dolphins, 73-71 aron magpabiling buhi sa 64th National Students Basketball Championships (NSBC) didto sa CSI Stadia sa Dagupan City, Pangasinan.
Bitbit ang 4-1 nga baraha, ang Webmasters kinahanglan modaog sa nahabilin nilang duha ka duwa batok sa Lyceum Pirates ug Jose Maria College-Davao aron masud sa playoffs.
Si Robinson Mohammad maoy nangu sa Webmasters nga mibugha og 18 puntos, samtang sila si Arvin Kim Gomez ug Edward Pao miburak og 17 puntos matag usa.
Sa kasamtangan, ang Webmasters mipahiluna sa ikatulo sa standings sunod sa Emilio Aguinaldo College (EAC) Cardinals ug JMC-Davao, nga parehong walay pilde sud sa lima ka duwa. (BANAT SPORTS)