MANILA, Philippines - Mainitang bakbakan sa volleyball ang matutunghayan bukas sa pagsisimula ng 11th National Athletic Association of Schools, Colleges and Universities (NAASCU) inals sa men’s at women’s division sa University of Manila Gym.
Ang AMA Computer School at Centro Escolar University ang siyang magbabakbakan sa kampeonato sa magkabilang dibisyon at mauunang tumapak sa court ang kanilang men’s team sa ganap na ala-1 ng hapon bago sumunod ang tagisan sa women’s dakong alas-2:30 ng hapon.
Ang AMACU Lady Titans ang siyang nagdedepensang kampeon at narating nila ang Finals nang kalusin ang New Era University.
Sa kabilang banda, ang CEU Lady Scorpions ay nanaig sa Informatics para makuha ang karapatang labanan ang nagdedepensang kampeon.
Walang itulak-kabigin naman sa Scorpions at Titans na tinalo ang New Era University at host St. Clare College sa semifinals.
Bagong kampeon ang lalabas sa men’s division dahil ang dating kampeon na University of Manila ay nasibak agad.
“Having emerged as the two best teams in the men’s and women’s division, we expected these teams to give their hearts out ensuring an exciting finals,” ani NAASCU president Dr. Ernesto ‘Jay ‘ Adalem.
Bago ang finals ay mapapanood muna ang tagisan sa ikatlong puwesto sa pagitan ng Informatics at CEU sa kababaihan sa ganap na alas-9 ng umaga bago sundand ng St. Clare at NEU sa kalalakihan sa alas-11:30 ng tanghali.