Bhutakalz 2-0 na sa 8th ibp hoop

CEBU, Philippines - Mikulit sa ilang ikaduhang daog ang Bhutakalz Five human ilang gipukan ang Blue Eagles ni Kit Enriquez sa iskor, 64-58 samtang laing tulo ka teams ang mirehistro sab og managlahing kadaugan kagahapon dihang gibuntog sa Super Idolz, defending champion Los Demonyous ug sa Jodin ang tagsa-tagsa nila ka kaatbang atol sa nagpadayong 8th season sa Integrated Bar of the Philippines (IBP) 2012 First Conference basketball tournament didto sa Capitol Parish gym sa dan Escario, ning dakbayan.

Midaug ang Super Idolz batok sa Pañeros, 76-65, gilampurnas sa Los Demonyous ni skipper Bads Del Prado ang Primos-Rama, 74-54 ug naka-ipdot ang Jodin batok sa walay daug-daug nga Dissenters, 64-58 kaniadtong Sabado sa gabii.

Gikan sa ilang 20-14 nga labaw sa first quarter, gi-inat sa Idolz ang ilang labaw ngadto sa 16 puntos, 47-31 dihang nagmangtas silang Van Ligutan ug Resty Arnaiz kinsa maoy mitimon sa opensa hangtod na ngadto sa fourth quarter diin padayon silang naglabaw ug double-digit.   

Mihulga pag-rally ang Eagles ug misikit kini ngadto na lang sa sayis puntos nga biya apan kawang ang ilang paningkamot tungod kay nakabsan sila'g oras aron mahingpit ang ilang tinguhang comeback pinaagi sa mga puntos gikan nilang Marven Miralles, Al Lagahit ug Ian Santos.

Sa laing duwa, mibahug og 17 puntos alang sa Dissenters ug midugang si Julius Reyes ug 10 puntos.

Sa sayo pa, miposa og game-high 28 puntos si Reiner Apolinario arong pangulohan ang Idolz samtang sila si Benjo Macion ug Fermin Pepito nagkumboya og 24 puntos.

Ang Los Demonyous sa laing bahin, misandig sa mainitong tandem nilang del Prado ug Lito Ortiz nga maoy responsable sa ilang kadaugan dihang ilang gilubong ang Primos-Rama ug 20 puntos.

Parehong mihakot og 16 puntos silang Del Prado ug Ortiz alang sa Los Demonyous ni coach Norwin Honoridez.

Puntos matag usa:

First Game:

IDOLZ (76)- Apolinario 28, Macion 13, F. Pepito 11, Malig-on 6, Piquero 6, B. Pepito 4, Santiago 4, Sumampong 4.

PAÑEROS (65)- Juban 21, Aliño 10, Busi 8, Retuya 6, R. Pepito 5, Ordiniza 4, Cagulada 4, Calipayan 3, Balorio 3, Ruaya 1.

Second Game:

DEMONYOUS (74)- Del Prado 16, Ortiz 16, Bragat 9, R. Bauzon 7, E. Bauzon 7, Flores 6, Cadiogan 5, Salcedo 3, Montealegre 3, Pintor 2.

PRIMOS (54)- Gepolonga 14, Velez 12, Sususco 10, Limalima 8, En. Rama 4, Tabotabo 4, Ml. Rama 2. (PR/GGM) (BANAT NEWS)