Evans ug love mi-salida

CEBU, Philippines - Giangga-an siya'g Human Pogo Stick ug si Jeremy Evans sa Utah Jazz maoy hari sa Sprite Slam Dunk Contest kagahapon atol sa NBA All-Star weekend didto sa Amway Center sa Orlando, Florida.

Migamit si Evans og props ug ang fans miboto kaniya isip maoy kampiyon pinaagi sa iyang double dunk.

Si Evans maoy mipuli sa napiang nga star sa New York Knicks nga si Iman Shumpert ug nakakuha'g 29 por siento sa tulo ka million nga boto gikan sa mga fans. Iyang gipilde silang chase Budinger sa Houston, Paul George sa Indiana ug Derrick Williams sa Minnesota aron hatagan ang Jazz sa labing una nilang tropeyo ubos sa maong contest.

Gikan sa nangaging mga slam past dunk competitions, ang mga fans gihatagan og katungod sa pagboto pinaagi sa usa ka text message human ang mga contestants magsangka sa three one-dunk rounds.

Mihansak si Evans nga duol sa iyang ulo ang camera ug milambos sa duha ka bola nga gihatag sa iyang assistant nga naglingkod diin iyang gigamit ang jersey ni Karl Malone ug mihansak atubangan sa usa ka comedian nga si Kevin Hart nga nagsul-ob sab og kamisen ni Malone.

Matod pa ni Evans nga ang Jazz wala kaayo maghuna-huna sa paggamit sa Malone-themed nga ideya.

“Not at all. I was just thanking the Jazz fans. You want to do something to get them in it. So I felt that was a good way. And Dwight Howard, he helped me big time. That was huge,” matod pa ni Evans.

Daghan sab ang mihugyaw ngadto kang Budinger didto sa Amway Center ug ang labing kusog nga reaksiyon sa mga fans dihang mi-dunk siya nga nagtaptap sa mata samtang nagsul-ob sa jersey number 23 ni kanhi Phoenix Suns star Cedric Ceballos diin iyang gisundog ang giihimong blindfolded dunk ni Ceballos niadtong 1992.  - BANAT NEWS