CEBU, Philippines - Nagkalain-laing sporting events ang tigian sa 5th Mayor Jonas Cortes Cup nga gikatakdang moulbo sa Marso 3 didto sa Mandaue City Cultural and Sports Complex.
Kini naglakip sa basketball, badminton, chess, amateur boxing, volleyball, table tennis, lawn tennis, softball ug fun run.
Ang basketbol adunay upat ka dibisyon, ang 13-under, 17-under, seniors A alang sa varsity ug commercial players ug seniors B alang niadtong dili na aktibong commercial ug former varsity players.
Sa laing bahin, ang lawn tennis gibahin sa men's open. juniors, inter-club, veterans ug special category.
Mga atleta gikan sa 27 ka barangay nga nasakop sa Mandaue City maghugop sa opening ceremony nga koloran pinaagi sa cheerdance contest.
Mga kategoriya sa volleyball naglakip sa open category, 18-under ug 13-under. (BANAT NEWS)