Neil mituboy sa Spurs

CEBU, Philippines - Duha ka three-pointers ni Gary Neal maoy nagbaswat sa San Antonio Spurs ngadto sa ilang kulbahinam nga 103-100 nga kadaugan sa overtime batok sa host Los Angeles Clippers kagahapon sa nagpadayong duwa sa National Basketball Association (NBA) didto sa Staples Center sa Los Angeles, California.

Sulod lang sa 3.8 sa regulation, nahimong bida ang second year pro nga si Neal kinsa maoy mitabla sa duwa pinaagi sa iyang three-pointer dihang iyang gibawi ang iyang sipyat dihang wala niya maguniti ang assist ni Tony Parker.

 Ang three-pointer ni Neal maoy mipadaug sa Spurs sa overtime aron tabangan ang iyang team sa pagkulit og sagunson napulo ka daog.

Si Parker maoy nangu sa Spurs sa iyang 30 puntos ug si Neal midugang og 17 puntos samtang laing lima ka Spurs ang pulos mibahug og double figures.

“At this level, confidence is the biggest thing you can have. It’s good to be counted on with your teammates,” matod pa ni Neal.

Matod pa ni Parker dihang wala madawat ni Neal ang iyang assist “First of all, I wanted to strangle him because I didn’t know what happened,” samtang nagporma og lingin ang iyang duha ka kamot. Matod pa usab niya “He lost it, but that can happen to anyone and we kept playing. We got the ball back and he hit a big 3. He’s known for that.”

Nailog ni Neal ang bola may 3.8 segundos ang nahibilin ug mihimo'g triple sa sayo pa sa regulation.

Sumala pa ni Neal “I was running toward Chris (Paul) to foul him because I thought he was going to try to run out the clock.”

Gibasol ni Paul ang iyang kaugalingon tungod sa ilang kapildehan tungod kay nabuhian niya ang bola duol sa half-court may 6.9 segundos ang oras sa regulation ug tungod kay wala naman sila'y timeout, napugos sila'g dribble hangtod napupos ang oras.

“Man, that was probably the worst play I’ve been a part of since I’ve been in the NBA,” nagkanayon si Paul.

Gianugon og maayo si Paul sa maong duwa kay matod pa niya, dako unta sila'g tsansa nga modaug.

Ang three-pointer ni Neal sa kataposang 25 segundos sa overtime, maoy nagbuak sa tablang iskor nga 98-all gikan sa assist ni Tim Duncan.

“Tim looked over and I was in the corner wide-open,” miingon si Neal.

Mibahug og 13 puntos si Matt Bonner, si Duncan miamot og 11 puntos uban sa iyang 17 ka rebounds sa kapin 41 minutos sa duwa, midugang sab og 11 puntos ug si DeJuan Blair may 10 puntos.

“Sometimes you got to get lucky and we definitely got lucky. It’s been a great run for us,” sumala pa ni Duncan.

Mibalik na sab unta'g duwa si Manu Ginobili apan igo lang isyang mihimo'g dos puntos sulod sa 19 minutos ug mibiya siya sa korte sa duha ka higayon sulod sa fourth period ug matod pa sa Spurs spokesman nga aduna na sa'y bun-og si Ginobili.

Ang ilang back-up center-forward nga si Tiago Splitter nakaangkon sab og injury sa first quarter. (NBA.com)