Cebu City athletics team temporaryo nag-train sa SHS-AdC

CEBU, Philippines - Temporaryo unang nag-ensayo didto sa Sacred Heart School-Ateneo de Cebu (SHS-AdC) ang Cebu City Niños athletics team nga nangandam alang sa international competition samtang padayon pa ang renovation sa Cebu City Sports Center (CCSC) track oval.

Ang head coach sa University of Cebu (UC) nga si Babette Capangpangan miingon nga dili na sila maka-train didto sa CCSC oval hinungdan nga nangita sila og alternatibo nga binyu ug napadpad ngadto sa SHS-AdC rubberized oval.

Bisan tuod og layo, nakapaangay gihapon sila sa ilang mga iskedyul kun kanus-a sila mag-ensayo didto. Gawas sa SHS-AdC, mohimo sab sila og uphill training sa San Carlos Heights ug sa Beverly Hills.

Ang Cebu Niños nangandam karon alang sa duha ka nasyonal nga kompetisyon, ang Private Schools Athletic Association (PRISAA) National Meet sa Abril ug sa Philippine National Games (PNG) sa Mayo.

Ang multi-titled trackster nga si Lindley Fran Navaja sa UC maoy mangu sa Cebu Niños sa athletics uban nilang Dharl Pitogo, Ernesto Ybañez ug Irene Baluran ug ingon man nilang Lorna Olarita ug Khenly Parcon sa University of Southern Philippines Foundation.  (FREEMAN)