Steven Jocabz 2-0 na sab sa FYA

CEBU, Philippines - Gilubong sa Steven Jocabz ang CMK Trading, 87-74 aron moposte sa ilang ikaduhang sunod-sunod nga daog sa 4th F. Llamas Youth Association (FYA) basketball tournament sa miaging gabii didto sa Brgy. Tisa gym.

Si Ranel Patalita mibahog og 23 puntos aron pangulohan ang Steven Jocabz. Laing upat niya ka teammates ang nakakuha sab og double figures.

Si Dondon Cadungog mikulit og game-high 30 puntos, apan ang iyang mga paningkamot nausik lang kay ang CMK Trading nakatilaw sa ikaduhang sunod-sunod nga pilde.

Sa sayo pa, ang playing coach nga si Noel Medalle miburak og 17 puntos alang sa Simpol Likes nga naka-eskapo batok sa Chariz & Caleigh, 74-72.

Si Chissar Llegunas mibahog og 26 puntos aron pangulohan ang pilderong Chariz & Caleigh.

Gibiyaan og dos puntos, ang Chariz & Caleigh nga may purohan unta nga maka-overtime. Human misipyat si Llegunas sa iyang duha ka free throws sa nahabiling dos segundos sa duwa, ang Chariz & Caleigh nakapunit sa rebound, apan misipyat sab ang iyang follow-up nga mao sab unta ang mohatod sa duwa ngadto sa overtime.

Puntos Matag Usa

Unang duwa:

Simpol Likes (74) - Medalle 17, Villaver 12, Jakosalem 12, Ramoneda 11, Laurente 7, Alcueno 6, Lañojan 4, Dumaguit 3, Pacaña 2

Chariz & Caleigh (72) - Llegunas 26, Laborte 19, Abella 8, Lavandero 6, Nudalo 5, Ponce 4, Villoordon 2, Cañete 2

Ikaduhang duwa:

Steven Jocabz (87) - Patalita 23, Marata 16, Mirasol 14, Garcia 11, Caballero 10, Guy 8, Abella 4, Pacaña 3, Avila 2, Cajucson 2

CMK Trading (74) - Cadungog 30, Cal 11, Canceko 10, Trinidad 9, Medalle 6, Tabar 4, Jabonero 2, Avila 1 (BANAT NEWS)