Panagribal sa Lakers ug Celtics nagkalawos

CEBU, Philippines - Dihang naka-ispot ang Los Angeles Lakers batok sa Boston Celtics sa overtime pinaagi sa palak ni Pau Gasol didto sa balwarte sa Celtics, gibukhad ni Gasol ang iyang taas nga bukton diin sa maong benyu sa TD Garden makita ang 17 ka championship banners.

Ug human siya matapal ni Gasol sa iyang tirada, si Ray Allen kinsa mao unta'y mahimong bayani niadtong duwa-a pinaagi sa pag-iskor sa winning basket, siya nagkanayon “I was in the perfect situation and he came out of nowhere.”

Upat ka tuig ang milabay, gikan pa si Gasol sa Memphis ug miadto sa Lakers ug ang iyang pagbalhin nakatabang pagpalig-on sa Lakers aron itugbang kanilang Allen, Kevin Garnett ug Paul Pierce.

Kauban ni Gasol si Kobe Bryant ug niadtong tungora, nahimugso dayon ang init nga panagribal sa duha ka higanteng franchise sa NBA.

Human sa laing upat ka tuig, nag-abot gyud ang Lakers ug ang Cletics sa NBA Finals. Ang Celtics midaug sa 2008 championship ug ang Lakers maoy kampiyon sa 2010.

Apan daan nang nahibawo ang Lakers ug ang Celtics nga sa dili madugay, mapawong na ug malawos na ang ilang mainitong panagribal tungod sa isyu sa edad kay nag-anam na katiguwang ang ilang mga players.

Naka-ipsot ang Lakers niadtong maong duwa sa iksor, 88-87 ug silang Bryant, Gasol ug Andrew Bynum mihimo'g mga krusyal nga tapal, mga importanteng baskets ug milangkat ug daghang rebounds aron pagpukan sa Boston.

Atol unya sa sunod balik ni Bryant didto sa Boston sunod tuig, posibleng wala na silang Garnett ug Allen ug sa sunod season nilang pakigsangka batok sa Celtics, posible sab dili na magkuyog si Bryant ug Gasol.

Adunay kausaban nga mahitabo tungod kay kining duha ka teams dili na kaayo lig-on nga angayan modaug ug korona.  - BANAT NEWS