Steven Jocabz, Grand & Jae midaog

CEBU, Philippines - Gisubhan dayon og daog ang Steven Jocabz ug Grand & Jae batok sa tagsa-tagsa nilang kaatbang sa pagsugod sa 4th F. Llamas Youth Association (FYA) didto sa barangay Tisa   covered court.

Ang Steven Jocabz milubong sa Leo Lauron, 93-75, samtang ang Grand & Jae naka-eskapo uban ang 78-71 nga kadaugan batok sa CMK Trading.

Ang guwardiya nga si Toper Marata maoy nangu sa Steven Jocabz sa iyang 22 puntos. Nangigo sab sa perimeter si Dexter Caballero aron moposa og 16 puntos.

Ilang gisumpo ang 42-puntos nga kombinasyon nilang Raul Cuyme ug Ranel Bontuyan.

Sa laing duwa, ang kanhi UC star nga si Daniel Enriquez ug Ip-ip Torrelisa maoy nangu sa Grand & Jae nga nagkumboya og 29 puntos.

Si Nico Laborte maoy topscorer sa CMK Trading nga mipabuto og 22 puntos, samtang si Dondon Cadungog miamot og 11 puntos.

PUNTOS MATAG USA

Unang duwa:

Steven Jocabz (93) - Marata 22, Caballero 16, Mirasol 14, Patalita 12, Garcia 9, Cajucson 6, Avila 4, Pacaña 4, Tongen 1

Leo Lauron (75) - Cuyme 22, Bontuyan 20, Malicay 8, Jaencanto 6, Sydiongco 6, Joedon 3, Palo 3, Masongsong 2, Tolentino 2

Ikaduhang duwa:

Grand & Jae (78) - Enriquez 15, Torrelisa 14, Baldago 12, Arreglo 11, Tomada 10, Medalle 9, Conde 2, Codilla 2, Cañete 2, Pacubas 1

CMK Trading (71) - Laborte 22, Cadungog 11, Jabonero 10, Medalle 8, Mangmang 6, Canceko 5, Tabar 4, Cal 3  (BANAT SPORTS)