LA Lakers nilusutan ang Celtics

BOSTON — Nang lu­mabas ang tira ni Paul Pier­ce sa huling mga segundo sa overtime, alam ni Pau Ga­sol na hindi pa tapos ang laro.

Napunta ang bola kay Ray Allen para sa isang put­back, ngunit sinupalpal na­man ito ni Gasol kasabay ng pagtunog ng final buzzer.

“That shot that Ray Allen took was good, in my opinion,” sabi ni Los Angeles La­kers coach Mike Brown. “But Pau did not stop playing until he heard the horn, and he came up with the big block.”

Humakot si Gasol ng 25 points, 14 rebounds at ang kan­yang supalpal kay Allen sa overtime buzzer para tu­lu­ngan ang Lakers sa 88-87 pag­takas laban sa Celtics.

Umiskor si Kobe Bryant ng 27 points para sa Lakers at ku­molekta naman si Andrew By­num ng 16 points at 17 boards.

Winakasan ng Los Angeles ang kanilang two-game losing streak.

Naglista si Allen ng 22 points para sa Boston at may 12 points at 12 boards si Kevin Garnett.

Tumapos si Pierce na may 18 points, mula sa kanyang 7-of-18 fieldgoals, 9 re­bounds at 7 assists.

Sa iba pang laro, tinalo ng Golden State ang Denver, 109-101; binigo ng Houston ang Phoenix, 96-89; at pinayukod ng Sacramento ang Ok­lahoma City, 106-101.