Gipadak-an premyo sa 12th CAFC football festival

CEBU, Philippines - Gipadak-an og maayo sa mga tigpasiugda ang premyo sa National Inter-Club Football Cup nga gipasiugdahan sa Cebu Amateur Football Club (CAFC) nga gikatakda sa Mayo 19-27 didto sa San Carlos-Technological Center field sa Talamban.

Gumikan niini, gilauman nga daghang mga lig-ong koponan lukop nasud ang mahaylo niining siyam ka adlaw nga kompetisyon.

Gikan sa P40,000 nga ganti, ang kampiyon sa men's open division mobulsa na og P100,000, samtang ang mohari sa 40-above makadawat og P20,000 o katunga sa miaging tuig.

"Ingon man gud ang mga teams from outside Cebu nga gasto ang ila pag-anhi dinhi unya gamay ra ang cash prize. Di daw sila kabawi sa ilang gasto," matud pa ni CAFC president Glenn Quisido.  (BANAT SPORTS)