4th FYA cagefest buksan na

CEBU, Philippines - Unom ka teams ang mopakita'g aksiyon sa 4th F. Llamas Youth Association (FYA) basketball tournament nga buksan karong alas-7 sa gabii didto sa Brgy. Tisa covered court, ning siyudad.

Ang FYA, grupo sa mga batan-on gikan sa barangay Punta Princesa   nga gipangulohan sa ilang club president Arnel Trinidad uban sa iyang bise presidente nga si Baeng Medalle ug Noel Medalle isip PR sa grupo.

Ang torneyo mosubay og single round robin format diin ang top four maoy moabante sa semifinals.

Ang no. 1 makigsangka batok sa no. 4 ug ang no. 2 makigtakus batok sa no 3. Ang winners maoy mag-abot sa finals.  - BANAT NEWS