Atty. Haide Acu±a: CebuÆs "Iron Lady"

Kaniadtong Enero 28 ug 29 maoy 'longest weekend" alang ni Atty. Haide Acu±a. Wala siya motambong og "marathon hearing" kalabot sa iyang profession isip lady lawyer apan kun buot huna-hunaon, mas labaw pa sa ordinaryong marathon ang iyang giapilan diin usa siya sa 54 ka running enthusiasts nga misalmot og lumba sa dagan nga adunay gilay-on nga 160 kilometros diin katulo pil-a ang regular marathon nga 42 kilometers.

Wala ako masayod kun kanus-a nagsugod pagkamahiligon sa "running" kini si Atty. Haide tungod kay bisan gani sa unang panahon nga siya pa maoy Business Editor sa The Freeman Newspaper ug karon news co-anchor sa ABS-CBN Channel 3, apan di nato malalis nga ang dagan maoy labing-karaang matang sa paugnat sa kusog sa tibuok kalibotan. Human kita makamao moyaub, mokamang ug molakaw, ang pagdagan dayon ang atong himuon inig-kadako na nato.

Usa siya sa misalmot sa 2nd Bataan Death March 160K marathon nga maoy labing taas nga individual ultramarathon sa tibuok nasud. Dugay nang nahitabo ang Bataan Death March niadtong 1941 diin mokabat sa 60 mil ka Pinoy ang nangamatay sa maong paglakaw (martsa) gikan sa lungsod sa Mariveles, Bataan ngadto na sa Capas National Shrine sa lungsod sa Capas, Tarlac nga adunay gilay-ong 160 kilometros. Ang tanang misalmot gitugotan sa paglakaw ug pagdagan basta makab-ot lang ang cut-off time nga 30 ka oras sa tulo ka probinsiya nga ilang latason nga naglakip nga mao ang Bataan, Pampanga ug Tarlac.

Dili tiaw ang preparasyon ni Atty. Haide ug tuod man, nagbunga kini og matam-is kaayong prutas luyo sa iyang grabeng sakripisyo. Sa iyang ikaduhang pagsalmot sa BDM, siya maoy 1st runner up sa womenÆs division ug ika-30 overall sa 54 ka survivors gikan sa 74 ka starters nga naglakip og unom ka babaye.

Daghan ang training regiments nga gihimo ni Atty. Haide gikan sa PRT o progressive resistance training, yoga, pilates, tai-chi, body combat, dance classes ug uban pang matang sa cardio workouts gawas sa naandan nga pagdagan. Dinhi mas nahimong impresibo ug mabulokon ang iyang career isip broadcaster ug abogada kay husto kaayo ang iyang time management hinungdan aduna pa siyaÆy oras sa paghimo niining tanan.

Unang misalmot si Atty. Haide sa miaging tuig sa 1st BDM Run diin wala niya makab-ot ang oras nga gitagal tungod kay iyang gitapos ang lumba sa 31 ka oras og otso minutos sobra kaayo sa 30 ka oras nga cut-off time. Wala sab siya malakip sa official list, apan wala siya kawad-i og paglaum ug gidoble niya ang iyang paningkamot aron makasalmot sa labing taas ug layo nga lumba sa dagan.

Matud pa sa Runnersworld Phils., usa kini sa tulo ka lumba nga gidamgo ug gipangandoy sa kadaghanang Pinoy sunod sa New York Marathon ug Boston Marathon.

Halos sumad nang usa ka tuig nga nagsugod sa iyang pagpakondisyon si Atty. Haide ug mihimoÆg lain-laing matang sa training aron mas mahimong kusgan ang lawas, ang mga tiil o paa. Kinahanglan sab gyud kunong palig-onon ang mga paa (tuhod ug tiil) ug kun mahimo mas maayo kun susama na kini kagahi sa puthaw. 

Atty. Haide, tinuod ka gyud diayÆng "Iron Lady" ug wala masayop ang akong gihimong titulo.

Mibalik ang iyang interes sa pagdagan niadtong Hulyo sa miaging tuig ug sa kinatumyan sa iyang pag-train, nakahimo na siya pag-abot ngadto sa 148 ka kilometo matag semana ug iya kining himuon matag tulo ka semana human sa usa ka semanang pahuway. Naigo kiniÆg 45 ka kilometro atol sa iyang rest week.

Ang iyang kinalay-an nga dagan dili mosobra sa 50 ka kilometro, apan iyang nabatasan pagbalik-balik dagan og long distance matag Biyernes sa gabii diin moabot kiniÆg 32 ka kilometro. Motaas kini ngadto sa 48 ka kilometro gikan sa alas-12 sa udto sa Sabado hangtod na sa gabii ug momenos na sab kini ngadto sa 21 ka kilometro matag Domingo. Matud pa usab niya nga iyang nabasahan sa usa ka ultra website nga kun modagan og sobra 50 ka kilometro dili na sab maayo tungod kay hayan makaangkon ka na og injury.

Atty. Haide, tugoti ako nga huwaman ang linya ni Boy Abunda... Haide Acu±a, ikaw na!