Phl Patriots masusukat ang tunay na kakayahan

MANILA, Philippines - Makikilatis ang tikas ng AirAsia Philippine Patriots sa susunod na dalawang linggo sa paglipad nila sa ibang bansa upang ka­ha­rapin ang Singapore Sli­ngers at Chang Thailand Slam­mers sa kanilang road games.

Ang naunang limang la­ro ng Patriots ay ginawa sa Pilipinas at aminado si coach Glenn Capacio na hin­di gaano ang pressure na kanilang nararamdaman dahil sa suporta ng ma­nonood.

May 4-1 karta ngayon ang Patriots at kagagaling la­mang sa 86-72 dominasyon sa Westports Malaysia Dragons noong Linggo sa Yñares Sports Are­na sa Pasig City.

Nasa tuktok ng stan­dings sa walong koponang liga ang Patriots matapos matalo naman ang da­ting angat na Slingers sa Slammers, 56-66, sa over­time noong Linggo sa Thai-Japanese Association gym.

Dahil sa pangyayari ay na­niniwala si Capacio na mas determinadong kakasa ang Slingers sa kanilang la­ro sa Pebrero 12.

Magpapatingkad sa la­ro nila ay ang pag­kikita ng host team at ng kanilang dating Filipino im­port na si Al Vergara.