CEBU, Philippines - Nakaipsot ang Theam Cargo-Mambaling ni team owner ug councilor Emier ‘Bossing’ Hamis pinaagi sa pagpilde sa Bohol Selection, 98-95 aron mipahiluna sa ikatulong puwesto sa Ubay, Bohol Invitational Basketball Tournament didto sa Ubay covered court.
Lima ka players sa Theam Cargo ang mirehistro og double figures pinangulohan ni Edrian Lao, kinsa miposa og 21 puntos, samtang si Ronald Bucao midugang og 19 puntos.
Ang rookie sa University of the Visayas (UV) Green Lancers nga si Hernan ‘Wowie’ Escocio ug si Morsie Akad miamot og 12 puntos matag usa.
Silang Phil Mercader ug Harold Cincoflores, Jr. nagkumboya og 23 puntos alang sa Theam Cargo ni coach Danny Duran.
Ang Theam Cargo nakadawat og P50,000 alang sa ilang kadaugan, samtang ang Bohol Selection mibulsa og P25,000.
Puntos Matag Usa
Theam Cargo (98) - Lao 21, Bucao 19, Mercader 13, Escocio 12, Akad 12, Cincoflores 10, Ocañada 4, Magdadaro 2, Sumayang 2, Daclan 2, Duran 1
Bohol Selection (95) - Magpait 25, Gudez 19, Lagare 15, Acosta 14, Chiong 10, Sereño 6, Mara 4, Basco 2 . - BANAT NEWS