CHECK 16-Under Tournamentsugdan karon didto sa Tabunok

CEBU, Philippines - Gitakdang mag-abot ang mga batan-ong Cebuano pawnpushers sa 1st Chess Enthusiasts in Cebu for Kids (CHECK) 16-Under Tournament nga mosikad karong adlawa didto sa barangay Tabunok, dakbayan sa Talisay.

Usa sa mga organizers nga si Felix Balbona miingon nga ang   tumong sa pagpahigayon og kompetisyon mao ang pagpalambo sa potensiyal nga mga magduduwa dinhi sa Sugbu.

Gawas sa mga tropeyo ug medalya, ang kampiyon mobulsa og P1,000, ang second player makadawat og P700, samtang ang third placer makaangkon og P500.

Ang fourth hangtod sa 10th placers hatagan og consolation prize nga P100 matag usa.

Ang entry fee nagkantidad og P60. Niadtong buot mosalmot, gihatagan lang kutob karong alas-12 sa udto sa pagparehistro. (BANAT SPORTS)