UV Baby lancers abante finals sa sbp u-16 caging

CEBU, Philippines - Gibanatan sa University of the Visayas (UV) Passerelle team ang mas paboritong University of Sto. Tomas (UST) Baby Tigers, 84-78 aron makaangkon og luna sa final sa 2012 SBP National Under-16 Basketball Championship kagahapon didto sa University of Baguio (UB) gym sa Baguio City.

Sa maong kalampusan, ang Baby Lancers ni coach Jaymar Canoy maoy moharong sa Sacred Heart of Jesus Montessori sa Cagayan de Oro City alang sa title showdown.

Nakakuha og lingkoranan sa finals ang Sacred Heart of Jesus Montessori human nila gipalayas ang St. John Institute sa Bacolod City sa iskor nga 120-116.

Ang Baby Lancers gipangulohan ni reigning CESAFI Juniors MVP Andres Paul Desiderio, kinsa miburak og 33 puntos. Nakakuha sab siya   og suporta gikan nilang Gerald Fernandez, Sheldon Marlon Andre   Gahi,   John Nigile King ug Prince Liton Cañete.

Ang   Baby Lancers ug Sacred Heart magsangka sa tinaktakay nga duwa karong adlawa   diin ang modaog mouli   bitbit ang   handcrafted trophy ug P30,000 nga gidonar   ni SBP    president Manny   V.   Pangilinan.  (BANAT SPORTS)