Cojuangco panauhin sa PSA forum ngayon

MANILA, Philippines - Magiging pangunahing bisita si Philippine Olympic Committee (POC) president Jose `Peping’ Cojuangco, Jr. sa PSA Forum ngayong uma­ga sa Shakey’s U.N. Ave. branch.

Ilalahad ni Cojuangco sa nasabing public sports program na isinasaere sa DZSR Sports Radio 918 at inihahandog ng Smart, Shakey’s at PAGCOR ang partisipasyon ng bansa sa da­rating na 2012 London Olympic Games.

Makakasama rin ng POC pre­sident sa forum si­na PSC Commissioner Jolly Go­mez, Iloilo City Mayor Jed Ma­bilog at Dumaguete City Mayor Manuel Sagarbarria na tatalakayin ang 2012 Philippine National Games at ang Batang Pinoy National Games.

Inimbitahan rin sa natu­rang pang alas-10:30 ng uma­gang session, ayon kay PSA president Rey Bancod ng Tempo-Bulletin, sina Ton at Patrick Concepcion at exe­cutives ng Filinvest at Skyway para sa 5th Condura Skyway Marathon 2012: Run for the Mangroves.