NCR, Quezon ug Davao daog sa SBP ug 16

CEBU, Philippines - Mikulit og managlahing kadaugan ang mga pambato sa National Capital Region, Quezon Province ug Davao atol sa pagbukas sa 2012 Samahang Basketbol ng Pilipinas National Under 16 Championship didto sa the UB gym.

Ang St. Clare College sa NCR midaug batok sa St. Agnes Academy of Albay, 77-51 samtang ang International School for Better Beginnings gikan sa Quezon Province midaug batok sa Claret School of Zamboanga, 61-53.

    Ang Assumption College of Davao milampurnas sa JDV Sr. High School of Dagupan, 70-54 sa girls division sa torneyo nga gipasiugdahan ni SBP president Manny V. Pangilinan, ang chairman sa PLDT-Smart.

Magpadayon ang duwa karong adlawa diin ang St. Agnes makigtakos batok sa St. John Institute sa alas 9 sa buntag, ang Santo Tomas makigsangka batok sa ISBB sa alas 10:30 sa buntag, ang University of the Visayas batok sa La Union College of Nursing and Arts sa alas 12 sa udto.  - BANAT NEWS