Big Chill, Freego Jeans nanaig sa q'finals

MANILA, Philippines - Dominanteng paglalaro ang ipinamalas ng Big Chill at Freego Jeans upang durugin ang mga nakalaban sa PBA D-League Aspirants’ Cup quarterfinals ka­hapon sa Yñares Sports Are­na sa Pasig City.

Bumangon ang Superchargers sa 9-22 iskor sa first period nang magbaga ang kanilang laro sa ikalawa at ikatlong yugto tungo sa 82-62 tagumpay sa Blackwater Elite sa unang bak­bakan.

Nilimitahan ng Big Chill ang Elite sa pinagsamang 17 puntos sa middle quarters para kunin ng koponan ang 57-39 kalamangan papasok sa huling 10 minuto ng bakbakan.

“Goal namin ang maka­rating sa semifinals at ma­saya ako dahil hindi bu­migay ang mga bata ka­hit naunang nakalamang ang kalaban. Ang focus ay la­ging nandoon at ito ang kailangan namin kung gusto na­ming umabot sa finals,” wi­­ka ni Big Chill coach Ar­se­nio Dysangco.

Si Jessie Collado ay nag­­hatid ng 15 puntos, ha­­­bang 12 puntos at 11 boards ang ibinigay ng center na si Jewel Ponferrada.

Hindi naman nagpahuli ang Freego Jeans, na tulad ng Big Chill ay may tangan na ‘twice to beat’ advantage, nang iuwi ang 87-63 pa­nalo laban sa Boracay Rum.

Ang mga sinasanda­lang manlalaro sa Adamson na sina Janus Lozada, Lester Alvarez at Eric Camson ang nagsanib sa 53 puntos at ang Jeans Ma­kers ay binuksan ang la­ro sa 28-8 iskor patungo sa one-sided na labanan.

“Nandoon ang aggressiveness ng mga players at ito ang key sa larong ito,” wika ni coach Leo Austria.

Ang pagkatalo ng Elite at Waves ay tumapos sa kanilang kampanya.

Sunod na haharapin ng Big Chill ang Cebuana Lhuillier, habang ang NLEX ang babanggain ng Freego Jeans sa semifinals na ini­lagay sa best-of-three se­ries at sisimulan sa darating na Martes.

Big Chill 82 – Collado 15, Ponferrada 12, Ma­conocido 9, Mallari 9, Reyes 9, Glorioso 8, Jensen 8, Dizon 6, Santos 2, Tan 2, Custodio 2.

Blackwater 62 – Bautista 17, G. Ciriacruz 17, Fortuna 17, Bringas 7, Acidre 6, I. Ciriacruz 6, Afuang 2, Tan 2, Pascual 0, Doligon 0.

Quarterscores: 9-22; 35-31; 57-39; 82-62.

Freego Jeans 87 – Lozada 19, Alvarez 18, Camson 16, Nuyles 7, Austria 7, Apinan 6, Lopez 6, Brondial 4, Manyara 2, Sumalinog 1, Rios 1, Elinon 0, Monteclaro 0, Cabrera 0.

Boracay Rum 63 – Sabellina 19, Bandaying 19, Hermosisima 7, Terso 5, Rosopa 4, Cornejo 3, Siruma 3, Khobuntin 2, Acibar 1, Abaya 0, Morial 0, Aguilos 0, Baloran 0.

Quarterscores: 28-8; 52-23; 68-43; 87-63.